قصيدة مولية فراتية للشاعر الشيخ : زيد الهويدي
اكتب وهمومي عليّه اليوم منعـاده
اشوف دهري ظلم فرعون لي عاده
ارجي من الله عسى سلمى إلها عوده
تجلي صِدايا وتطفي الواهج البِيّـه
تجلي صِدايا وتطفي الواهج الماضي
بِمصَقّلاتٍ عتَاقٍ وجدهـا ماضـي
يَبُو محمد شفت عهد مضى ياضـي
رِستاك لزبيـد وعـز للشعبانيـه
خرعوب رانق ابد ماتقبل الُعفيـن
يعسوب صفره نجود مورده الخدين
والله من شفتها بس أهَذي بالزيـن
ارثي وبلكي يهَجِع قلبـي بطاريـه
ارثي رسوم الولف عالدوم و أنوحي
البوم يطرب عليّه ياخوي وانوحـي
يَلوها من قبل موسى وقبل نوحـي
مَنسى رسومٍ دِجِت بيهـا برِجلَيّـه
مَنسى رسوم الولف المـا تعدانـي
الجار يشهد بحقها البعيد و الدانـي
شباب ياهل الهوى لِوِلفي مُوِد آنـي
قبل اشتكينا ومَحّد جابنـا بشيـه
قبل اشتكينا وقلنا ايامنـا عسـره
عالريمةَ العَوّدتني لشوفهـا عسـره
يَبُو محمد بحق الي عـرج واسـرى
اركبِ جْوادك عساك تحوشها ليـه
اركب جوادك ياعبدالله وانسابـي
انصى مضارب عَريب الجد وأنسابي
اياك تلهى يَبُو محمد وتنسى البـي
نفسي تريد الولف الخاطـرو بِيّـه
نفسي تريد الولف والدهر يغصبها
عِفت القرايب وروحي يوم اجنبها
أزكى صلاةٍ على المختار نوهبهـا
من قلب يائس لأبو الزهراء مهديه
موضوع: قصيدة مولية فراتية للشاعر الشيخ : زيد الهويدي 
الخميس يناير 19, 2012 11:54 pm
