كيف بدك تعرف السوري من بين 1000 واحـــد ...... ؟
- لو صليت في مكان وبعد الصلاة اللي جنبك مد ايده وقلك تقبل الله.. يبقى سوري
- إذا سمعته بعد ما يضحك كثيرا يقول " خير اللهم إجعله خير.. فتأكد أنه سوري
- لما بتشوف واحد مسنود على سيارتك واول ما بشوفك بيبتسم ويقولك لا تواخذنا..يبقى سوري
- لو دخلت عليه وكان بياكل ولو حتى سندويشة فلافل بقلك اتفضل ويعيدها عليك مرتين او ثلاث مرات..يبقى سوري
... - لما تلاقي الناس اول نهار العيد بتزور المقابر.. يبقى سوري
- لما بتشوف امراة عجوز تدعيلك وانته مو ابنا..يبقى سوري
-لما بتشوف شب بسرفيس وقف منشان تقعد عجوز او بنت ..يبقى سوري
-لو دفعت حق غرض اشتريتو من محل وصاحب المحل قلك الله يرزقك ويعوض عليك..يبقى سوري
- لما بتكون بمطعم وبتسمع الأصوات عليت كل واحد فيهم بيحلف إنه يدفع عن التاني..يبقى سوري
-لما بتشوف المسلم بسلم على المسيحي وبيشتغل معو وبيوقف جنبو بأي شدة..يبقى سوري
-لما بتلاقي الواحد بيقول الحمدالله رغم مافي شغل..يبقى سوري
-ولما ولما ولما ولما قد ماحكيت عن السوري مارح خلص... هاد السوري الي وين ما راح بيرفع راسنا والناس بتحلف براسو ...
وانا برفع رأسي لاني سورية وافتخـــــــر